تعجبكم بإذن لله

الحـر يزكـي .. والدجاجـه.. دجـاجـه
وماني علـى بعـض المقاريـد مجبـور
الضـرس قلـعـه لا تـألـم عـلاجـه
لا صار مـا ينفـع معـه طـب دكتـور!
وحكي القفى في الناس عيـب وسماجـه
واللي يتتبـع عـرض الأجـواد مثبـور
(نارد) قرا ح المـاء ..ونتـرك هماجـه
هـذا لنـا مبـدأ.. ومنهـج ..ودستـور
واللـي يطفـي فـي الغـداري إسراجـه
لايحتري قمرا ...ولا يرجـي النـور !!
تـراه يضيـع صيدتـه فـي عجـاجـه
لا يسمع الناصـح.. ولا يأخـذ الشـور
والكـل يبخص فـي الشدايـد خراجـه
لا نشبت اللقمة من الغبن فـي الـزور !
والحـظ لابـان الـردى فـي حجـاجـه
أصبـر مـدام الصبـر ياخـوي مقـدور
الله خلـق كـونٍ وسـيـعٍ.. فجـاجـه
والعبد لو يطـرد وراء الـرزق معـذور
و(راع) الرفـيـق ولا تعـكـر مـزاجـه
خلـه سعيـدٍ دايـم الــدوم مـسـرور
كسـر الخواطـر مثـل كسـر الزجاجـه
نفس البشر دم.. وأحاسيـس.. وشعـور
واللـي يتصـدد مالكـم فـيـه حـاجـه
يالله عسى إللي يدور الستر .. مستـور
وحذرا تصير لبعض الألسـن (علاجـه)
بعض البشر يحلف.. ويشهد ..على الزور
والتمـر يعـرف طيبـه مـن خمـاجـه
ماجـور ياللـي تدهـل الطيـب ماجـور
الـواحـد القـهـار راعــه ونـاجـه
الله يكافينـا مـن الضـيـم والـجـور
يقولـه إللـي قاسـي الوقـت عـاجـه
صابر وهمـه داخـل الجـوف مقبـور

منقول

صـــــــــــــــــــــــح لسانك يابو عزوز

وننتظر المزيد من جديدك

كرا ع الابيات الراااائعه

ههههههههههه
حلووووووووووووه

مشكوووووووووور اخوي عالنقل ونتظر منك جديدك

رووووووووعه

يعطيك العاااافيه

سلمت يمناك أخي الغالي/الخنفري علي نقل هذه الابيات الجميله ويعطيك العافيه علي مجهودك.

نشكركم على مروركم جميعاً

كلام راااااااائعشكرا على الكلام الجميل

كلام راااااااائعشكرا على الكلام الجميل